Bugun...


Zend Pigar


Facebookta Paylaş









CUYAYİŞ U CUYİNÊ MA DE GAĞON
Tarıx: 23-12-2016 20:41:00 Newebiyayiş : 23-12-2016 20:41:00


Gağon, cuaver dowê ma de pê kêf u şayi amênı bımbarek kerdış. ‘Hisab ma ra waxt serê serr bı. Inkey serê ser ‘hisabi ‘hukmati ra hirês (des u hirê) rueci cua pê yow (jû) di-rê rueci guvend neynı pirı (pır), qıc gêreni Gağon.

 

Hêvêr, kiye de cıniekon semedi qıcon’a de’hni powtên, eskıc kerdên ‘hedrı, artui u çi gı tomçik ardên pieser semedi qıcon u ruecê Gağoni qıci kowtên miyon dow, gêrênı Gağon. Qıc, amênı, deyni ber (kerber) rı. Ber binı a u qıcon Gağonê xu waştênı. Her kiye se’honê çi xu ardên, Gağonê qıcon deynı cı.

 

Rueca verin hetonê şond qıc, gêrênı Gağon, la sobina guvend neyn pirı u waxti vor bı. Pê vor’a vorgud kay kerdên, vor vawıtên (vıraştêne), yowbina xu ey paştoni dow ra ğıj kerdên.

 

Şond xuertoni xu kerdên “kal u veyv”, amên. Yow xuert zel ceneyn, kal u veyv ver guvend kerdên. Kal u veyv xu rınd’a pê çit pıştên u peşmi ra ri xu de erdiş neyn pa, pê ço (kes) mesırasnır (meşınasno). Kali, ri xu rınd’a pê tenê dağneyn, veyv ız pê laçık’a xumar xu gueretên. Xuerton kal u veyv semedi peron gueretış kerdên. Kal u veyv guvend’a pê perê xu gueretên, la na rê weyêri kiyê ri yın deyn a.

 

Kal u veyv şinı kiyeo bin. Tey qıci şow gêrênı Gağon, desmalê xu gueretên, şinı deyn şebakê/pençerey kiyon ır. Desmal eştên ver u desmalê yın Gağon binı de, pıştên u tıpiya dênı cı. Rueca binı zı honci qıci gêrênı Gağon. Cua pê (peyê coy) Gağon ame terknayiş. Terkınayişi ına Gağon teknoloji zaf ser tesir kerd. Gağon ma het rueşoni qıcon bı. Bacê televizon u radio veciyay. Qıci hıni televizon ver nıştên rue u şinı mekteb, Tırki musênı, newe sobina zown u cuyine (kultur) dinı (diyêne). Dunyaê ma u dunyaê teknoloji pie nêkuena. Zown ma hirıs ser cuaver u ınkey zaf bu (biyo) yowna qêde serder kerdış. Asimilasyon cağ zowni ma ney pieya. La ınkey asimilasyon ma ser, ma verada, la ma asimilasyon vera nêda.

 

Wa tım tım zowni ma u cuinê (kültür) ma pay ra bımonır. Qıconi xu de zowni xu qal bıkênı pê, ma resayê zown, wa ma ra pê pay ra bımonır...



No nuste 604 rêy ame wendene

FACEBOOK FIKIRNAYİŞ
FIKIRNAYİŞ

NUSTÊ NUSTOĞİYÊ BİNİ

XEBERÊ ZÊDÊRİ WENDİYAYÊ
NUSTOĞİ
FIKIRBİYAYÊ PÊÊNİ
FOTO GALERİ
  • Guelê Quling (Yüzenada) - Çolig (Bingol)
    Guelê Quling (Yüzenada) - Çolig (Bingol)
  • Zımıstanê Welati
    Zımıstanê Welati
  • Çımê Muzıri
    Çımê Muzıri
  • Koê Welatê Ma
    Koê Welatê Ma
  • Mezelê Ma
    Mezelê Ma
  • Bonê Domantênya Ma
    Bonê Domantênya Ma
  1. Guelê Quling (Yüzenada) - Çolig (Bingol)
  2. Zımıstanê Welati
  3. Çımê Muzıri
  4. Koê Welatê Ma
  5. Mezelê Ma
  6. Bonê Domantênya Ma
FOTO GALERİ
YUKARI