Bugun...


Süleyman Özdek


Facebookta Paylaş









Gay veciyê minara ser!
Tarıx: 03-01-2016 22:08:00 Newebiyayiş : 03-01-2016 22:08:00


Gay veciyê minara ser!

 

Süleyman Özdek

 

Dı namdari benê; jü Erzıngan, o bin ki Erzurum dero. Namê ni mordemu jüru ser amêne zon ver. Hetê jürikerdene ra hurdımêna ki zaf soretli benê. Rocê kunê bas: Jü Erzıngan, o bin Erzurum ra peya vecino ra rae. Hama hama wertê ni dı suku de qeza Têrcani esta. Dı jürekeri Têrcan de raştê jübini benê.

Erzınganıc pers keno:

-Bıra, koti ra yena?

Erzurumıc:

-Erzurum ra yenane.

-Veng u vac? Nia sona koti?

-Pawulka Erzurumi, seker nêresnena. Mı rê ki çê de zaf seker lazımo. Son Erzıngan ra seker an.

Erzurumıc pers keno:

-Ma, tı koti ra yena? Hetê sıma de veng u vac?

-Ez Erzıngan ra yenane. Ez ke veciyane ra rae, dı gay veciyay vi minara camiye, uca dêne jübini ro! Nêzanen se bi!

Erzurumıc cüab dano:

-La-lao, ocağkor, mevace, mevace! Coru jüro nianên beno!

-Ma, pawulka Erzurumi to rê seker nêresnêne, jüro nianên beno, gay çıra  minara meveciyê!

Nae sera mordemê Erzurumi bas keno vindi. 



No nuste 1271 rêy ame wendene

FACEBOOK FIKIRNAYİŞ
FIKIRNAYİŞ

NUSTÊ NUSTOĞİYÊ BİNİ

XEBERÊ ZÊDÊRİ WENDİYAYÊ
NUSTOĞİ
FIKIRBİYAYÊ PÊÊNİ
FOTO GALERİ
  • Guelê Quling (Yüzenada) - Çolig (Bingol)
    Guelê Quling (Yüzenada) - Çolig (Bingol)
  • Zımıstanê Welati
    Zımıstanê Welati
  • Çımê Muzıri
    Çımê Muzıri
  • Koê Welatê Ma
    Koê Welatê Ma
  • Mezelê Ma
    Mezelê Ma
  • Bonê Domantênya Ma
    Bonê Domantênya Ma
  1. Guelê Quling (Yüzenada) - Çolig (Bingol)
  2. Zımıstanê Welati
  3. Çımê Muzıri
  4. Koê Welatê Ma
  5. Mezelê Ma
  6. Bonê Domantênya Ma
FOTO GALERİ
YUKARI