Bugun...


Heyder Şahin


Facebookta Paylaş









ZAZAKİ DE JÜ FİLM “ZONÊ MA KOTİO”
Tarıx: 23-04-2017 23:30:00 Newebiyayiş : 23-04-2017 23:50:00


22.04. 2017 de, sate 19.30 de “Güneş Tiyatro de” Zazaki de jü film musniya. Namê filmi “Zonê Ma Koti yo”wo. Dıme ra ki lawıki/deyri vaciyay.

Par ra nat, hatan nıka Zazaki sero zaf kar bi, Zazaki sero zaf çiy veciyay. Film, şênatiy, kıtabi, tiyatroy kay biy.
Vıjêri roca semiye 22.04.2017 de “Zonê Ma Koti yo” jü film hetê Güneş Tiyatroy u Komela Cematê Zazayanê Almanya (Zaza-Gemeinde Deutschland) ra musna (mot ra).
No film Weli Kahramani vırasto. Weli be xo Qeyseriye Sarız de dewa Pırodiyan (Söbeçimen) rao.

Film ra dıma Vırastoğê filmi Weli Kahramani sane de ca guret, niadoğu perşi pers kerdi. Ma Weli Kahramani ra xeylê çiyo newe heşiyayme pê.

Vıjêri komê muzik ra “Devrim Kavalli, Tülay Burcu, Rojhat Gül” verênde meymananê saloni ra vat, “Zonê xo Zazaki rê wayir veciyerê ke sıma ki, zonê sıma ki vindi mebo”. Ni senatkaru ma rê Zazaki u Kurdki lawıki vati.

Dıme ra Zeki Çiftçi veciya, vat; “sıma ke wast; zonê xo qesey kerd, kes nêşkino vazero, ‘çê sıma de, zonê sıma qesey mebero’.”

Na ki zaf qesawa rasta. Dıme ra Zeki Çiftçi Zazaki de ma rê deyri/lawıki vati.
 

 

Par – Emser yemê Cematê Zazayanê Almanya ra “Roca Edebiyatê Zazaki” vırajiye, 21.02 2017 de 40 mordemê/merdımê nuskar u senatkaranê Zazayan de jü video vırajiya, nejdiyê ses hazar mordemi/merdımi tey nia do (seyr kerdo).

Komanê Zazayan zaf kar kerd, Zazaki ser xeylê kar bi. Her serre tenêna Zazaki sero kar beno jêde.

 

Kıtabi, Peseroki vecinê, na ki ma rê mijdania xêra.

 

Rewra sahna de kar teyna be konseru biyêne, sahna de teyna şênatiye muzik bi. Nıka ki muzik, rocnamey (qezetey), pêseroki, kıtabi, filmi ra tepia endi pede Ewropa u Tırkiya de, Welat de, endi Zazaki de tiyatroy veciyay. Sarê ma, zaf cı rê wayir vecino, sonê gos danê. Na tiyatroy Dêsım ra, Gımgım ra, Çolıg ra veciyay. Nae sero zaf bime sa. Ez hini inam kenane ke sukanê Zazayan’ê binan de ki xona zaf mordemi zaf kar kenê.

Zazaki de internet sero nuştey vecinê, pelganê taê roştberanê Zazayan de nustê Zazaki vecinê, jü ki rocnamê interneti Zazaki Kozmos de nuşti pêro nuşti Zazaki vecinê. No ki zaf karo de hewlo.
Dıme ra her serre Zazaki de kıtab vecinê.

Her kes her ca de berzo xo ver ke dawa Zazayan ravêr şêro, salê Zazaki berz bo, hetê siyaset, ra heqa Zazayan bıvaciyo, şarê ma ki heqanê xo bıcêro.

 

Vıjêri zaf rınd bi. Eke wazenê zuqane (tım) nia rınd bo, u tawi nae ra tepia ki nia karanê rındu her ca de bıkerime.
 

Raurzerê, bıguriyê, berzê ra xo ver.
 

Heyder Şahin

 

 



No nuste 519 rêy ame wendene

FACEBOOK FIKIRNAYİŞ
FIKIRNAYİŞ

NUSTÊ NUSTOĞİYÊ BİNİ

XEBERÊ ZÊDÊRİ WENDİYAYÊ
NUSTOĞİ
FIKIRBİYAYÊ PÊÊNİ
FOTO GALERİ
  • Guelê Quling (Yüzenada) - Çolig (Bingol)
    Guelê Quling (Yüzenada) - Çolig (Bingol)
  • Zımıstanê Welati
    Zımıstanê Welati
  • Çımê Muzıri
    Çımê Muzıri
  • Koê Welatê Ma
    Koê Welatê Ma
  • Mezelê Ma
    Mezelê Ma
  • Bonê Domantênya Ma
    Bonê Domantênya Ma
  1. Guelê Quling (Yüzenada) - Çolig (Bingol)
  2. Zımıstanê Welati
  3. Çımê Muzıri
  4. Koê Welatê Ma
  5. Mezelê Ma
  6. Bonê Domantênya Ma
FOTO GALERİ
YUKARI