Bugun...


Heyder Şahin


Facebookta Paylaş









Her çiyê to dên mebo, serevde ki mebo
Tarıx: 27-12-2016 00:44:00 Newebiyayiş : 27-12-2016 00:44:00


Vanê, “ma sarê xo rê zaf kar kerd, ma zonê Zazaki ser zaf çi nust, ma welatê xo rê zaf xızmete kerde. Reyê nia derê ke lewê keşi de caê ma çino.”

 

Mordemo ke nia vat, yê mı ki nia yeno aqılê mı: Saê ke zonê Zazaki, zonê ma u piyê di (ey), yê ma u piyê dae niyo; zon, zonê weretanê diy u dae niyo, saê ke na zon ra pil nêbiyê.  Saê ke zonê dae, yê di niyo, na zoni roê dine şên nêkerdo.  Ebe na vatene wazenê ke vatena xo her keşi sero perçin kerê, her kes bınê şiya di kuyo. A rae ğeleta. Raa raste çıka?
Her kes kamiya xo rê, her kes zonê xo rê wayir veciyo, lezê (mıcadelê) na kari bıkero. Jüyo ke na kar kerd, xora sarê ma ki, nuskarê ma ki, roştberê ma ki caê di, caê dae berz cênê. Ca danê cı, qesa di, qesa dae tede kenê.
 

Mordem ke sarê xo re çı kar ke kard, rivatanê karê xo ra barê miyanê keşi mebo. Eke bi barê sarê xo; sarê di, barê di ra, barê dae ra endi nêşkino ke xo sero na kari ebe vatena xo bıguriyo.
Coke ra mordem na xuya ğelete  ra bıvêro,  ra u rêça ke ğeleta, mordem a ra u rêçe ra meşêro.
 

Teyna vınıtene rınd niya, qesu dost u albazu soynane rınd niya. Ma jübini ra kena düri, her jüyê ma teyna maneno. Ma na teynaêni ra neşkinime verba dısmenanê xo bêrime. Kar u gurê ma zaf zoro; ebe rındiye, ebe têdüştiye ra şikinime dewa sarê xo raveri berime. Çıke sarê ma bêwayiro.


Serra 2017 sarê ma re rındiye biaro, dostanê ma jêde kero, dısmenê ma kemi kero.
Sarê ma pêro pia dest pêsanê, ma xo rê wayir vecime.



No nuste 523 rêy ame wendene

FACEBOOK FIKIRNAYİŞ
FIKIRNAYİŞ

NUSTÊ NUSTOĞİYÊ BİNİ

XEBERÊ ZÊDÊRİ WENDİYAYÊ
NUSTOĞİ
FIKIRBİYAYÊ PÊÊNİ
FOTO GALERİ
  • Guelê Quling (Yüzenada) - Çolig (Bingol)
    Guelê Quling (Yüzenada) - Çolig (Bingol)
  • Zımıstanê Welati
    Zımıstanê Welati
  • Çımê Muzıri
    Çımê Muzıri
  • Koê Welatê Ma
    Koê Welatê Ma
  • Mezelê Ma
    Mezelê Ma
  • Bonê Domantênya Ma
    Bonê Domantênya Ma
  1. Guelê Quling (Yüzenada) - Çolig (Bingol)
  2. Zımıstanê Welati
  3. Çımê Muzıri
  4. Koê Welatê Ma
  5. Mezelê Ma
  6. Bonê Domantênya Ma
FOTO GALERİ
YUKARI