Bugun...



Sewa projê kulturi “Dêsım – Qoçgiriye – Qerebêl” sero
Tarıx: 12-04-2017 00:23:33 + -


Serva zonê ma, serva kulturê ma, na hefteo ke vêrdime ra, roza semiye (8.4.2017) “Şişli Kent Kültür Merkezi” Ostomol de sewê ra rınde gurete de.


Sewa projê kulturi “Dêsım – Qoçgiriye – Qerebêl” sero

Dêsım – Qoçgiriye – Qerebêl (Şêvaz Zera, Qangal) de vırênunê ma çutıri weşiya xo ramıta, çêfê xo, esqê zerrê xo çutıri ardo ra zon, efkarê zerrê xo eve kamıji şüare ardo ra zon, domonê hu’yê derguse rê çutıri lorıke vata. Veyvê xo çutıri kerdo, meytê xo çutıri fiştê ra rae, kamıji şüare, kamıji zerria dırvetıne ra vejiya ke, çondae serre ravêro ki, eke ison ke hesnê, zerrê isoni de têlu vısnena ra. No senê roo, na kılamu, na qeydu de? Ez ke gos dan, jê wela verê kasu zerria mı yena war.
 

Ma ke şêrime kosê cenetê na dina, ma wayirê variyati bime, oncia ki hetê rê ma’o jü nêmezeto. Ma hata ke pay na qerazê hardê pi u khalıki menime, çımê ma era kemer u kuçu mekuyo, roê ma huzır nêvêneno.
Ma dêndarê ê hardime. Ma dêndarê lüya ke sanıka “Pir u Kole” de vêrena ra, dêndarê a lüyeyme. Ma dêndarê vergê yavanime, ma dêndarê hêlugeyme, ma dendarê vilıka vere voreyme, ma dêndarê bıra Hesenekime, ma dêndarê bıra Metin Kahramanime.
Ma dêndarê wa u bıraê maê ke zerrevêsaiyê zon u kulturê huyê.
Ma dendarê ma u piyê huyme.
Ma dêndarê domonunê huyme.
Ma dendarê tornunê huyme.

Raa ma düria, barê ma gırano, ma gereke phoşti jüvini dime.
Na projê Dêsım – Qerebêl, na het ra zaf muhim bi. Emegê kami ke koto cı, wes u war bo.

Ekibê projey:

Pınar Polat
Tevfik Şahin
Mesut Asmên Keskin
Cemal Taş
Bülent Çetinkaya
Fevzi Kaya
Sunal Erdoğan

 

Ê senatkarê ke amey, phoşti dê na proje, şêrkerdoğê ke amey, mıletê mao ke ma teyna ca nêverdayme, Haq pêrüne ra raji bo.

Sıma rınd ke estê. Sıma ronisê, sıma rê voro.

 

Veli Kişioğlu
 

 

 

 

 

 

 




Bınge: Veli Kişioğlu

Editör: Mesut Asmên Keskin

Na xebere 575 rêy amê wendene

Etiketi :

FACEBOOK FIKIRNAYİŞ
FIKIRNAYİŞ

ZONÊ MA XEBERÊ BİNİ

YUKARI