Bugun...



Serra newiye de Zazakikozmos.com ancia wertey şıma dero
Tarıx: 29-12-2015 23:49:28 + -




Serra newiye de Zazakikozmos.com ancia wertey şıma dero

Wendoğ u nuştoğê maê delali,

ma zanime ke riyê ma şıma ra siya. Anci rivatanê teknik u zemani ra ma xeylê wext xo ki, şıma wendoği ki zıwanê xo ra mehrum verday. Na ri ra şıma qısurê ma de qayt mekerên. Be sıftekerdena serra newiye ma reyna internet sera wazenime Zazaki (Dımılki, Kırmancki, Zonê Ma, Kırdki) rew rew bıresnime şıma. 

 

Serra emserêne serrê da qıdumesiyawa. Derbi yenê derbe ser de, derdi amey derdi ser de; thelefenge kewta kar. Her roc welatê ma ra ki, Rocakewtena Miyani (Ortadoğu) ra ki xeberê siyay, gaziya masum u pakan yena; endi zerre tebat nêkeno, qıdumê insani nêgêno, merdum qame ra kewno. 

Çı serey şıma bıdacnime, hal - weziyat werte dero. Omıdê ma oyo ke wa serra verê ma roc ma ra bıaso, roştia haştiye, têduştiye, weşiye bêro çımanê ma ver, no dewrano luk, dewrê zalıman wa bırıjiyo; şarê ma u şarê nê welati, şarê ena dınya pêro hızur reso. 

Şıma nuştoğanê qedırgıranan ra ki reca ma awa ke riperrê (pela) ma zazakikozmos.com tenya meverdên, rew rew riperranê ma pê nuştanê xoyê weşan u hewlan rengın bıkerên. 

Çıman ser, serey ser, 

wekalê sılaman

 

www.zazakikozmos.com




Editör: Asmêno Bêwayir

Na xebere 549 rêy amê wendene

Etiketi :

FACEBOOK FIKIRNAYİŞ
FIKIRNAYİŞ

MA XEBERÊ BİNİ

YUKARI