Bugun...



Rewra Halê Ma Senên Bi?
Tarıx: 10-03-2014 23:53:22 Newebiyayiş : 11-03-2014 00:01:22 + -


55 serri ra ravêr xona doman bime, dewa ma de, dormê dewa ma de dewanê binu pêroyine de, her dewe de zunê ma qesey biyêne. Dewanê ma de gıraniye nê, dewê ke yê sarê ma bi, pêro zonê ma bi, zonê ma qesey biyêne. Caê zonê ma berz bi, gıran bi, qedr u qimetê zonê ma zaf bi...


Rewra Halê Ma Senên Bi?

55 serri ra ravêr xona doman bime, dewa ma de, dormê dewa ma de dewanê binu pêroyine de, her dewe de zunê ma qesey biyêne.

Dewanê ma de gıraniye nê, dewê ke yê sarê ma bi, pêro zonê ma bi, zonê ma qesey biyêne. Caê zonê ma berz bi, gıran bi, qedr u qimetê zonê ma zaf bi.


Dewanê ma de Tırki çinê biy. Jüyo ke Tırki qesey kerdêne, cı rê zaf diyêne, her keşi vatêne, nia dê, ney de edeb çino (terbiya), verba pilanê xo, zerrê sarê xo de zonê xo qesey nêkeno, nêsermayino/a.

Rewra ma ke şiyêne wendisxane (mekteb), a roze sınıfe de lete Zazaki, lete ki Tırki qesey kerdêne. Bıngê zonê ma kip (çip) bi.

Hama, se ke biyêne sun, wendisxane qediyêne, endi Tırki ki uca de qediyêne.

 

Hama dıme ra ebe serru caê zonê ma bi ra vindi, şi. Caê Zazaki de Zonê Tırku ca guret.
Dıme ra Khalo Gağan amêne, her dewe ra dı-hirê mordemu hem dewa xo de, hem ki şiyêne dewanê binu, çêu ra dêne arê. Rozê Xızıri amêne, eke Rozê İmamu ke amêne, pilu roze guretêne; domani, jüyo ke pil bi, ine ki 2 roji yan ki 4 roji roze guretêne. Keşi sero zor çinê bi.

Piyanê ma, ma ra vatêne, "cigera mı; so thamê des u dı İmamu bıhêrne, bia!" Maanê ma ki vatêne, "u domano, nêşkino çi-mi biaro, nêzano çiyo rınd bıhêrno, laiki xapnenê, çiyo poyiyae danê cı. Tı so, çêyi rê thamu, susê lamba u çiyê bini bıhêrne, bia!" Piyê ma vatêne; "cênıki, nıka lerze ra seker çino, susê lambe çino." Ae ki vatêne, "laik şêro, seker u susê lambe biaro. Thamanê des u dı İmamu ki tu bıhêrne, bia!"


Na ebe hal ra welat de gıraniya ma biye! Gıraniya Zonê Ma u gıraniya kulturê ma biye. Nıka ki gıraniya saranê binu ma serewa. Bınê na gıraniya sari de nıqenime, nêşkinime bın ro şêrime. Mao ke barê sari xo ser ra berjime, ebe xo dewa xo re wayir vecime.

 

Nıka ne zone ma, ne ki gıraniya ma menda. Wendoğê delali, sıma se vanê? Nae ra dıma ma se benime? Xona nêmerdime, hama nêweso gıranime, uncia jê veri benime wes? Uncia jê veri yenime ra xo? Sıma se vanê? Sıma ke vanê; berjime xo ver, uncia jê veri ma her çiyê xo rê wayir bime, eke henio, berzê xo ver, zonê xo qesey bıkerê, Zazaki (Kırmancki) de wendisxane bıwazerê.

 

Awropa de albazanê ma, dıme ra ma taê bini reştime cı, 1983 de namê Ayrey (değirmen) ma zonê xo de pêseroke (dergi) vete, dae dıma ra Piya vete, Raştiye vete, dae dıma ra Ware vet, Tija Sodıri vete, ZazaPress vet, Çıme vet, Malatya de Miraz vet, nıka ki Diyarbekır de Zazana, Estamol de MA vecina. Ma zonê xo de xeylê pêseroki veti! Zonê xo ravêr berd, nıka dori, na kar endi welat de ki caê xo bıcêro. Sıma ki uca berzê xo ver, xo ravêr berime.

 

Heyder Şahin                                           

09.03.2014




Bınge: www.zazakikozmos.com

Editör: Heyder Şahin

Na xebere 2479 rêy amê wendene

FACEBOOK FIKIRNAYİŞ
FIKIRNAYİŞ

MA XEBERÊ BİNİ

XEBERÊ ZÊDÊRİ WENDİYAYÊ
FIKIRBİYAYÊ PÊÊNİ
FOTO GALERİ
  • Guelê Quling (Yüzenada) - Çolig (Bingol)
    Guelê Quling (Yüzenada) - Çolig (Bingol)
  • Zımıstanê Welati
    Zımıstanê Welati
  • Çımê Muzıri
    Çımê Muzıri
  • Koê Welatê Ma
    Koê Welatê Ma
  • Mezelê Ma
    Mezelê Ma
  • Bonê Domantênya Ma
    Bonê Domantênya Ma
  1. Guelê Quling (Yüzenada) - Çolig (Bingol)
  2. Zımıstanê Welati
  3. Çımê Muzıri
  4. Koê Welatê Ma
  5. Mezelê Ma
  6. Bonê Domantênya Ma
FOTO GALERİ
YUKARI