Bugun...



Obama Çêna Xo Dano Xebetnayêne
Tarıx: 20-08-2016 17:44:44 Newebiyayiş : 21-08-2016 22:59:44 + -


Sermiyanê Ameriqay Barack Obama na amnani çêna xo dano xebetnayene. Çêna Obamaya qıje, Sasha Obamaye (15 seriye) jü restoranê mosa de kewte kar. Sasha nê restorani de çı kar raşt bêro ê kena. Gorê vatena, Sasha servis kena, serê masa ra fıraq fola dana arê, zerê restorani kena pak, kasa ver de vındena. Sasha gegane ki verê çêverê restorani de vındena, mışteriya sılayiyê zeri kena.


Obama Çêna Xo Dano Xebetnayêne

Sermiyanê Ameriqay Barack Obama na amnani çêna xo dano xebetnayene. Çêna Obamaya qıje, Sasha Obamaye (15 seriye) jü restoranê mosa de kewte kar. Sasha nê restorani de çı kar raşt bêro ê kena. Gorê vatena, Sasha servis kena, serê masa ra fıraq fola dana arê, zerê restorani kena pak, kasa ver de vındena. Sasha gegane ki verê çêverê restorani de vındena, mışteriya sılayiyê zeri kena.

 

Gorê qezetanê Ameriqa, Sasha rojede çar saati xebetina. Heqê xo ki saatê re 15 dolarê; xêrciya heqi ra, nıfşê savaji (baxşiş) ki kuno re dest. Sasha çağo khe xebetina, uniforma restorani dana xo ra u şewqê restorani nana re sarê xo ser.

 

Xebetiyayêna Sasha Obamaye khe biye eşkera, qezetanê Ameriqay bıligane persi persa sero perskerdi khe çêna sermiyanê Ameriqay se nya tık u têyna xebetina. Ma khe teroristi bêrê ae bıremnê se beno? O taw Ameriqa wertê şari de sosret nêbeno? Feqet pêyjo vêjiya werte khe, çağo khe Sasha xebetina, şeş ajanê dizdiyay dormê restorani de tevdir cênê, ebe o qeyde ae pawenê.

 

Xebetyayena  Sasha ra dıme, Ameriqa de tafte anketi amêy kerdene khe hela şarê Ameriqa na mesela se vineno. Gorê anketa, qom zafêri ebe xebetyayêna Sasha qayilo, feqet heqê dae taê şenık vineno. Gorê qomi, gere heqê çêna qoje sermiyanê Ameriqa saate de 15 dolari nêbo. Hema taê bini ki nya nêfıkırine; ê ki vanê khe, çêna kami bena bıbo, bıra ê kari çıkha gere a ki hondê bıjêro, gere heqa xo ra zêde nêcêro.

 

Barack Obama u cêniya xo Michelle Obamaye çıqa khe dina dest ra êno, hondê çênanê xo normal kenê pil. Nêtê dina uyo khe wa çênê xo wa nıkha ra çinêbiyayene u tenge bıvinê khe pêyjo zaf bıtır mebê. Goro khe aseno, qomê Ameriqay ki ebe exlaqê Çê Obamay zaf qail beno.

 

Sermiyanê Ameriqawo verên, George W. Bushi ki wayirê dı çêna bi. Feqet çênê Bushi, Jenna Bushe u Barbara Bushe, rew rew qezeta de ebe kerdenanê xırabına vejiyênê. Hurdmina waa di-rê dolımi rubalê alkoli ra ceza gureti bi. 




Bınge: zazakikozmos.com

Editör: Cemal Atila

Na xebere 864 rêy amê wendene

FACEBOOK FIKIRNAYİŞ
FIKIRNAYİŞ

DINYA XEBERÊ BİNİ

XEBERÊ ZÊDÊRİ WENDİYAYÊ
FIKIRBİYAYÊ PÊÊNİ
FOTO GALERİ
  • Guelê Quling (Yüzenada) - Çolig (Bingol)
    Guelê Quling (Yüzenada) - Çolig (Bingol)
  • Zımıstanê Welati
    Zımıstanê Welati
  • Çımê Muzıri
    Çımê Muzıri
  • Koê Welatê Ma
    Koê Welatê Ma
  • Mezelê Ma
    Mezelê Ma
  • Bonê Domantênya Ma
    Bonê Domantênya Ma
  1. Guelê Quling (Yüzenada) - Çolig (Bingol)
  2. Zımıstanê Welati
  3. Çımê Muzıri
  4. Koê Welatê Ma
  5. Mezelê Ma
  6. Bonê Domantênya Ma
FOTO GALERİ
YUKARI