Bugun...



Mektebanê Austriya u Universıtanê Almanya de ders u kursê Zazaki sıfte kenê
Tarıx: 14-10-2016 02:57:30 Newebiyayiş : 17-10-2016 14:17:30 + -


Se ke elaqedarê Zazaki zanenê, nê serranê peyênan de Ewropa de mekteban u universıtan de hem Zazaki sero dersê akademiki hem konferansi hem ki kursê Zazaki zêdiyay. Theleb hewna ki zafo, labelê malımi nênê diyene. Xeyre ser Bochum, Dortmund, Frankfurt, Munix, Hamburg u Viyana de ders u kursi anci ver kenê cı.


Mektebanê Austriya u Universıtanê Almanya de ders u kursê Zazaki sıfte kenê

Austriya de, sûka Viyana de, mektebê şari „Volkshochschule“ de kursê Zazaki 19.10.2016 ra tepeya her çarşeme saete 18ıne ra heta 20ıne beno; malım Hüseyin Şimşeko (Zazakiyê zımey, Erzıngan/Têrcan).

 

Almanya de, Universıtey Dortmundi de 26.10.2016 ra tepeya her çarşeme saete 18ıne ra heta 19:30 kurs diyeno. Malım Yaşar Kayao.

 

Universıtey Goethe Frankfurt de kursê averşiyaeyan dewam keno: her sêşeme saete 17:30 ra heta 19:00. Malım Mesut Keskino.

 

Universıtey Maximiliani Munix de ki dersa Zazaki’ya ilmiye no semester sıfte kena. Yaşar Aratemür be PD Dr. P.-A. Mummi ra piya 31.10.2016 ra tepeya Zazaki sero (be gıraniya fekê Çewligi (Bingol merkez) kursê bunya (Strukturkurs) danê.

 

Universıtey Hmaburgi de no semester her pancşeme saete 10ine de dersa Zazaki diyena. Prof. Dr. Ludwig Paul sıfte diyalektê (lehcey) veroci (Çêrmuge-Sêwrege), dıma ê merkezi (Palı-Çewlig), tepeya ki diyalektê zımey (Dêsım u dorme) sero do vındero. 

 

Darmstadt de ki kursê Zazaki rê qeydi vıraziyenê. Malıme Rabiye Çiçeka. 

 

Wendoğê delali; eke Ewropa de ya ki Anadoliye de ya ki welatê ma de kursê zıwanê ma bıbê, ma zaf benime şa; şıma rê zehmet, tım ma xeberdar bıkerên ke wa ma riperrê (pela) xo de ilan kerime. 

 




Editör: Asmêno Bêwayir

Na xebere 1461 rêy amê wendene

Etiketi :

FACEBOOK FIKIRNAYİŞ
FIKIRNAYİŞ

ZONÊ MA XEBERÊ BİNİ

XEBERÊ ZÊDÊRİ WENDİYAYÊ
FIKIRBİYAYÊ PÊÊNİ
FOTO GALERİ
  • Guelê Quling (Yüzenada) - Çolig (Bingol)
    Guelê Quling (Yüzenada) - Çolig (Bingol)
  • Zımıstanê Welati
    Zımıstanê Welati
  • Çımê Muzıri
    Çımê Muzıri
  • Koê Welatê Ma
    Koê Welatê Ma
  • Mezelê Ma
    Mezelê Ma
  • Bonê Domantênya Ma
    Bonê Domantênya Ma
  1. Guelê Quling (Yüzenada) - Çolig (Bingol)
  2. Zımıstanê Welati
  3. Çımê Muzıri
  4. Koê Welatê Ma
  5. Mezelê Ma
  6. Bonê Domantênya Ma
FOTO GALERİ
YUKARI