Bugun...



Manchester de galmey terori – 22 merdey, 59 dırbetıni
Tarıx: 24-05-2017 02:48:12 + -


No dışeme sûka Manchesteri de, pê galmey (hêrışê) terori jû bomba peqnae. 22 merdumi, zehfêr xort u cıwani, kışiyay, 59 teni biy dırbetıni (bırindari). Teşkilatê terori Dewleta İslami na kerdene gırewte a xo ser.


Manchester de galmey terori – 22 merdey, 59 dırbetıni

Roca dışemiye, 22.05.2017, sûka İngılterey Machester de, şande yew salonê konseri de konser ra tepeya jû bomba peqae. Pê nê galmey terori 22 merdumi amey kıştene, 59 teni ki biy dırbetıni. Qurbanan miyan de keynekê da heşt serriye ki esta, xora 12 teni ki 16 serri ra qıcê.

 

Teroristo ke bomba peqıta, xo ki tey kışto. Serwezire Theresa May beyanatê xo de vato ke, kamiya terorisi zaniyena, labelê riyê emniyeti ra na deqa nêwazenê aşkera kerê.

 

Konserê senatkara popi Ariana Grande (23) de wexto ke konser qediyao, teroristi caê teber veciyayışi de pawıto ke heta mılet veciya teber, o taw xo ki tey peqnao. Heyranê senatkara Amerıkanıca İtalyane Ariane Grane zehfêr xort u gêncê. Senatkare nê galmey ra tepeya konserê binê ke turney Ewropa de mendê, betel kerdê u na lınge nêwazena sehne bıgêro.

 

Teşkilatê terori Dewleta İslami (DAİŞ, IŞİD), pê boriya xo Amak internet ke nao ro xo ke “esker”ê dê xo na bomba peqnawa.

 

Xeberan de ame vatene de, polisi beyan kerdo, namey kerdoği Salman Abediyo, 22 serreo.




Bınge: ajansê xeberan

Editör: Mesut Asmên Keskin

Na xebere 269 rêy amê wendene

Etiketi :

FACEBOOK FIKIRNAYİŞ
FIKIRNAYİŞ

DINYA XEBERÊ BİNİ

XEBERÊ ZÊDÊRİ WENDİYAYÊ
FIKIRBİYAYÊ PÊÊNİ
FOTO GALERİ
  • Guelê Quling (Yüzenada) - Çolig (Bingol)
    Guelê Quling (Yüzenada) - Çolig (Bingol)
  • Zımıstanê Welati
    Zımıstanê Welati
  • Çımê Muzıri
    Çımê Muzıri
  • Koê Welatê Ma
    Koê Welatê Ma
  • Mezelê Ma
    Mezelê Ma
  • Bonê Domantênya Ma
    Bonê Domantênya Ma
  1. Guelê Quling (Yüzenada) - Çolig (Bingol)
  2. Zımıstanê Welati
  3. Çımê Muzıri
  4. Koê Welatê Ma
  5. Mezelê Ma
  6. Bonê Domantênya Ma
FOTO GALERİ
YUKARI