Bugun...



Kosta Rika de baxçê heywanati darinê we, heywani benê serbest
Tarıx: 06-09-2016 01:19:56 + -


Karo ke heta nıka serê hardi de keşi nêkerdo, dewleta Kosta Rika i kari kena, heta peyniye heqa heywanu rê wayir vejina. Sıfte serbestiya (azadiya) heywanu ra dest kena ve ni kari. Heywanê ke isonu serva çêf u refê xo kerdê qefesu, kerdê hepıs, inu pêrüne serbest verdana ra.


Kosta Rika de baxçê heywanati darinê we, heywani benê serbest

Karo ke heta nıka serê hardi de keşi nêkerdo, dewleta Kosta Rika i kari kena, heta peyniye heqa heywanu rê wayir vejina. Sıfte serbestiya (azadiya) heywanu ra dest kena ve ni kari. Heywanê ke isonu serva çêf u refê xo kerdê qefesu, kerdê hepıs, inu pêrüne serbest verdana ra.
 

Kosta Rika hetê biyo-çeşidiye ra zaf dewlemenda. Heto bin ra Kosta Rika de ordi u esker çino.

 

Heywan u nebatê ke dina de isonu dos kerdê, zoninê; %4ê inu Kosta Rika derê. Kosta Rika vana ke, ma dêndarê tabiatime, gereke tabiat rê hurmet bıkerime. Heywanê ke mılet serva çêfi, serva spori kiseno, rapora dugel’a der-dormi ra gore waxto nejdi de da yasax kerdene.


Cumurêtê Kosta Rika va ke “serbestiye dame heywanu”


Karo ke dina sero heta nıka keşi nêkerdo, sıfte Kosta Rika imza xo eşte i kari, guret bınê mori. Kosta Rika beyan kerd ke, heywanê ke qefesu de mapusê, inu serbest verdana ra. Serva na azadiye en ravê baxçunê heywanati dana qapan kerdene. Dewleta Kosta Rika qevul nêkena ke heywani serva zewq u sefa isonu, qefesu de weşiya xo ramıtene rê mecbur bımanê.
 


Feqet Kosta Rika eve pozğıniye ard ra zon, va ke; “ma no qerar guret, hama dı baxçê heywanatiê ke eve mıqawele biyay bi ra, inu nêşkime qapan bıkerime.”

Wayirê selayeti vanê ke “dugele de eve mıqawele dı teni baxçê heywanati estê. Riyê sertunê mıqaweli ra nêşkime ni baxçunê heywanati qapan bıkerime, feqet, heywanê ke ucarê, ma i ki xo vira nêkerdi. Serva dinu baxçunê heywanati’ê henênu vırazeme ke, i heywanu qefesu ra vejime, i xoser bıfeteliyê.


Xusısê xelesnaen u era heyat çarnaene ra serkote, qetyan nêwazeme ke der-dormê inu ki teng kerime, nêwazeme ke inu bıcêrime bınê esareti.”


Wejirê (baqanê) Kosta Rika’ê der-dormi Réne Castrowo ke serê ni hereketi de, karo ke newe anê arê, o eve ni qesu ard ra zon: “ma wazeme ke heywanu qefesu ra bıxelesnime, zerrê biyo-çeşidiya dina de ca bıkerime. Ma cad keme ke serva jêdnaena na biyo-çeşidiye xeylê parkunê botaniku vırajime.”
 


Heywanê ke heta roza ewroêne qefesu de heşir mendê, eke i verday ra tabiat, heta ke inu xo da ro tabiat, inu teyna ca nêverdanê.
 


Heywanê ke heta roza ewroêne qefesu de weşiya xo ramıta, serva inu hukmat vano ke “ni heywanu heta ke xo da ro tabiat, ma game ve game inu pinime, sıfte ni heywanu qefesu ra verdame ra baxçunê botaniki, uza qaytê inu beme ke xo ero tabiat dê.”


Destebera ma ra ke çı yeno; ma, ma ey key keme?
 

Jê Kosta Rika gereke ma ki heywanu raverdime tabiat. Eve na tore dina henêne domanunê xo rê wad kerime ke tey weşiya zaf rındeke bıramê. Serva menfatê xu’yê ekonomik u sosyali, heywanu qefesu de hepıs mekerime; eke heni bi, tesirê ke inu day heyatê yavani, ma şikime i faydu heyatê xo de rındêr his bıkerime.

 

Weliyê Memedê Weli / İdris Yenok




Bınge: https://onedio.com/haber/kosta-rika-da-hayvanlara-ozgurluk-kosta-rika-devleti-butun-hayvanat-bahcelerini-kapatiyor-571904

Editör: İdris Yenok

Na xebere 596 rêy amê wendene

Etiketi :

FACEBOOK FIKIRNAYİŞ
FIKIRNAYİŞ

DINYA XEBERÊ BİNİ

XEBERÊ ZÊDÊRİ WENDİYAYÊ
FIKIRBİYAYÊ PÊÊNİ
FOTO GALERİ
  • Guelê Quling (Yüzenada) - Çolig (Bingol)
    Guelê Quling (Yüzenada) - Çolig (Bingol)
  • Zımıstanê Welati
    Zımıstanê Welati
  • Çımê Muzıri
    Çımê Muzıri
  • Koê Welatê Ma
    Koê Welatê Ma
  • Mezelê Ma
    Mezelê Ma
  • Bonê Domantênya Ma
    Bonê Domantênya Ma
  1. Guelê Quling (Yüzenada) - Çolig (Bingol)
  2. Zımıstanê Welati
  3. Çımê Muzıri
  4. Koê Welatê Ma
  5. Mezelê Ma
  6. Bonê Domantênya Ma
FOTO GALERİ
YUKARI