Bugun...



Heq u hıquq u serbestiye ro derbi dewam kenê...
Tarıx: 06-10-2016 13:13:38 Newebiyayiş : 06-10-2016 14:15:38 + -


Tırkiya de cerrebê derbe ra tepeya ke OHAL gırewt de, de nêgırewt, hıkumet derban dano serbestiya dewesi (basın) u huquq ro. 12 kanalê TV u 11 kanalê radyoy amey gırewtene. Heto bin ra vızêr İlhan Çomako ke xora 22 serre zerre dero, cezay muebbedi gırewte.


Heq u hıquq u serbestiye ro derbi dewam kenê...

Hıkumetê AKP be viyaney (maney) derbe ke OHAL nay bi ro u xo rê pê kerd fırset ke FETÖyıcan ra ğeyr ki çıqas organê mıxalıfi estê, inan werte ra wedaro ya ki serbestiye inan dest ra bıgêro, vızêrnao ancia xo mocneno (musneno) ra. Pêro piya 12 kanalê televizyoni u 11 kanalê radyoy amey gırewtene. Nê kanalan miyan de IMC TV, Hayatıın Sesi, TV10, Zarok TV, Jiyan TV u Özgür Radyo estê. Ninan ra Jiyan TV be Zazaki ki pêl daêne, Zarok TV de ki taê filmê ğazi (çizgi) be Zazaki biy. Demey pêldayışê cındey (giyane) de polisan peroc eşt studyoyê IMCy ser u pêldayış (delğedayış) qapan kerd.

 

Hıkumeti baziyê (ermey) xo’yê dergi ki resnay Ewropa u ard werê ke pêldayışê MedNûçey ki vındarna. Oyo ke MedNûçe Tırkiya ra nê, Ewropa de satelitê Fransa Eutelsat sera pêl dano.

 

Qısê da Bakunini esta ke vano, ‘hıquq fahişay iqtıdario’; a qısa xo hına nışan da. Vızêr şair u nuskar İlhan Çomako ke 22 serri hepıs dero, bes nêbiyo ke sero ki mehkemey, cezay muebbedi dawa cı.




Editör: Asmêno Bêwayir

Na xebere 857 rêy amê wendene

Etiketi :

FACEBOOK FIKIRNAYİŞ
FIKIRNAYİŞ

TIRKİYA XEBERÊ BİNİ

YUKARI