Bugun...



HAK-PAR, Tı Ma de Thınaza Kena?
Tarıx: 02-01-2014 22:12:20 Newebiyayiş : 09-01-2014 21:01:20 + -


Partiya Heq u Serbestiya (Haklar ve Özgürlükler Partisi / HAK-PAR) ebe mesajê xüyê bımbarek kerdena sera newiye Zazay dajnay.


HAK-PAR, Tı Ma de Thınaza Kena?

Partiya Heq u Serbestiya (Haklar ve Özgürlükler Partisi / HAK-PAR) ebe mesajê xüyê bımbarek kerdena sera newiye Zazay dajnay. HAK-PARe mesajê xüyo hirê-zone de ebe Tırki, Kurmanci u qaşo maşo zonêma Zazaki de sera newiye bımbarek kerde. Çiyo khe esto, nıfşê mesajiyo Zazaki, xêrciya Zazaki şono re herçi. Mesajê HAK-PARe de sera newiye ebe Zazaki niya bımbarek bena; "Ser sala şıma piroz bo!"

 

Mesajê HAK-PARe ne şono re Kurmanci ne ki şono re Zazaki, hama wertê hurdmina zona de mendo. Mesaj ebe bêkêrêniyê de henêne amo nıvısnayene khe, jü domano des sere nê ra rındêri nıvısneno. Ma tı vajê HAK-PARe nêzanêni ra mesajê de niyanên nıvısno? Raşta heqi, insan na derheq de nêşkino çiyê de qeti vajo. Feqet herkes zano khe, zerê HAK-PARe pırê Zazaano; ekhe bıwaştênê, şıkiyêne mesajê de raşt bıdo nıvısnayêne. 

 

Onciya ki, hêni aseno khe, na meselê de teknike ya ki gramatike niya; gorê zafetene Zazaa, HAK-PARe mexsuz niya kena; mexsuz Zazaki ere Kurmanci kena nezdi. Nae ki vajime khe, nê karê qefçılıni de HAK-PARe têyna niya; siyaset u medyawa Kurmanca na da-vistê seriyo khe Zazaki zere ra qurıfnenê u haybıro Kurmanci de kenê têmya. 

 

Mesajê HAK-PARe na dı rojiyo khe sosyal medyade cêreno u xêlê Zazay hêrs kerdê.

 

 




Bınge: www.zazakikozmos.com

Editör: Cemal Atila

Na xebere 3211 rêy amê wendene

FACEBOOK FIKIRNAYİŞ
FIKIRNAYİŞ

MA XEBERÊ BİNİ

YUKARI