Bugun...



Hêrsê Rahıbi
Tarıx: 02-02-2017 00:56:11 Newebiyayiş : 02-02-2017 01:05:11 + -


Key ke yewê/jûyê raştê cı bêro ke ey bıqehrno ya ki hêrsan ver fino, oyo na deqa biyaro a xo viri ke o keso bin xorê jû qayığa thala (venga); hêrsê xo ki zerrey xo dero…


Hêrsê Rahıbi

Rahıbê beno, rocê qerar dano a cı ke vankê (manastırê) xo ra dûri xo rê tenya meditasyon (tefekkur) vırazo. Qayığa xo gêno, şaneno cı, gole miyan de vındarneno; uca çımanê xo nano werê, dest keno meditasyon. Werte ra ke saetê, dı saeti be hızur u sıkutiye vêrenê ra, rahıb xafılde yew tarpayış de beli keno ke qayığê da bine ameye, kûwıt qayığa ney ra.

 

Hewna ke çımê xo pêrocenıteyê (werênaeyê), xo de veceno ke zerre de hêrsê xo kewto kar; eke noyo çımê xo kerdêne a ke wa ramıtoğê qayığa bine ra bıqêro, bıbırro, oyo ke bêdıqet pêşkarê meditasyonê ney biyo. Tawo ke çımanê xo keno a, çı akero: qayığa ke kûwıto qayığa ney ra, thala (venga), tede kes çıniyo! Hıni aseno ke kesi gırê nêdawa, a ki xorê gole miyan de be hukmê vay u awe geyraêne.

 

A deqa rahıbi rê na qısa hıni ke bena eyane, irfan kewno verêniye. Kewno a ser, zaneno ke hêrsê xo, xo zerre de biyo; xorê teber ra yewê gani pê derbe bıvetêne meydan ke eşkera bo. A saete ra tepeya, key ke yewê/jûyê raştê cı bêro ke ey bıqehrno ya ki hêrsan ver fino, oyo na deqa biyaro a xo viri ke o keso bin xorê jû qayığa thala (venga); hêrsê xo ki zerrey xo dero…

 

Çıme: İnternet

İngılızki ra çarnayış: Mesut Asmên Keskin

 

 




Bınge: İnternet

Editör: Mesut Asmên Keskin

Na xebere 232 rêy amê wendene

Etiketi :

FACEBOOK FIKIRNAYİŞ
FIKIRNAYİŞ

WEŞİYE XEBERÊ BİNİ

XEBERÊ ZÊDÊRİ WENDİYAYÊ
FIKIRBİYAYÊ PÊÊNİ
FOTO GALERİ
  • Guelê Quling (Yüzenada) - Çolig (Bingol)
    Guelê Quling (Yüzenada) - Çolig (Bingol)
  • Zımıstanê Welati
    Zımıstanê Welati
  • Çımê Muzıri
    Çımê Muzıri
  • Koê Welatê Ma
    Koê Welatê Ma
  • Mezelê Ma
    Mezelê Ma
  • Bonê Domantênya Ma
    Bonê Domantênya Ma
  1. Guelê Quling (Yüzenada) - Çolig (Bingol)
  2. Zımıstanê Welati
  3. Çımê Muzıri
  4. Koê Welatê Ma
  5. Mezelê Ma
  6. Bonê Domantênya Ma
FOTO GALERİ
YUKARI