Bugun...



Gımgım Tiyatroy kayê xu’yo verên İzmir de kay kerd
Tarıx: 19-02-2017 23:56:06 Newebiyayiş : 20-02-2017 00:01:06 + -


Nuştoğê ma Veli Kişioğlu şi İzmir ke sêrê kayê gruba newiye “Gımgım Tiyatro” kero. Varto ra domananê ma İzmir de gruba tiyatroy na ro. Domananê Gımgımi, 15 mordeman be Zazaki kayo rındek be namê “Rıştıke” ardo meydan. Vızêri, 18ê Gucige 2017ine de İzmir de ine kayê xu’yo verên pêşkêş kerd.


Gımgım Tiyatroy kayê xu’yo verên İzmir de kay kerd

Na pêye hefti İzmir Çiğli de zonê ma de komela tiyatroy’a newiye kayê xo kay kerd. Namê komela tiyatroy  “Gımgım Tiyatro”, namê kay: Rıştıke. Xêr amê, raa xo rakerdiye bo. Serva emegê xo wes u war bê. Komela ma’wa tiyatroy’a newiye xeylê sılxeta. Namê pêrüne nêzonen. Hama organizasyon Varto-Der İzmir, rejisör Tuncay Akdeniz, kaykerdoği Zeynep Çetinkaya..

 

Ezı ki şiyune, mı kay şêr kerd. Mı wast ke na kao newe de, na roza vırêne de leyê wa u bıraunê xo de bine. Heq kederê qom u lêzımi medero. Pêro amey vi, salonê Belediya Çiğli bi ve pırr. Qe ca nêmend, meymani jêde pay ra mendi, nêrdiwanu de nişti ro. Eke wele bıestêne, era hard nêkotêne.

 

Kay de nêmezetiye ki biye. Taê cau de tenê fekeçepelêni kerdi vi. Miye ra cêr yaraniye biye. Va bo; kamıji kar ke sıfte kerd, nêmezetiye tey manena. Her ke kay kerd, her ke beno rınd.

 

Deva devê 2 sati kay kay bi. Qe cenar cı nêda. Ez bara xo rê qe bêzar nêbine. Hata peyniye mı şêr kerd. Ez Ostomol’la şiyune İzmir de, caê mı xam bi. Hama tiyatro kay ke guret de, xamêni jê hewrê şiay biye vıla, şiye. Waxt vınet. Ma niştime ro makina waxti, şime welat, şime çê muxtari, şime meytê Apê kokımi ser, şime veyvê Xıdê Xêği.

 

Tiyatro riyê dina sero en sanetê ra khana. Eve isoni, isoni rê, isoni ana ra zon, ana ra verê çımu.

 

Kam ke serva na zoni, serva na zağoni karê keno, nia hondê muyê mısqalê xêrê xo reseno cı, wes u war bo.

 

 

 

 

 

 

 




Bınge: Veli Kişioğlu

Editör: Mesut Asmên Keskin

Na xebere 1263 rêy amê wendene

Etiketi :

FACEBOOK FIKIRNAYİŞ
FIKIRNAYİŞ

ZONÊ MA XEBERÊ BİNİ

XEBERÊ ZÊDÊRİ WENDİYAYÊ
FIKIRBİYAYÊ PÊÊNİ
FOTO GALERİ
  • Guelê Quling (Yüzenada) - Çolig (Bingol)
    Guelê Quling (Yüzenada) - Çolig (Bingol)
  • Zımıstanê Welati
    Zımıstanê Welati
  • Çımê Muzıri
    Çımê Muzıri
  • Koê Welatê Ma
    Koê Welatê Ma
  • Mezelê Ma
    Mezelê Ma
  • Bonê Domantênya Ma
    Bonê Domantênya Ma
  1. Guelê Quling (Yüzenada) - Çolig (Bingol)
  2. Zımıstanê Welati
  3. Çımê Muzıri
  4. Koê Welatê Ma
  5. Mezelê Ma
  6. Bonê Domantênya Ma
FOTO GALERİ
YUKARI