Bugun...



Endi beso!
Tarıx: 17-12-2016 22:40:32 + -


Nuştoğê ma Hesenê Reqasa hal u weziyetê roca ewroyêne kılmek ra ardo a zıwan...


Endi beso!

Aristotelesi (Aristoy) nae ra 2.500 serri raver vato:

 

“Kam ke to rê rındiye keno, tı ey rê rındiye bıke
Kam ke to rê xırabiye keno, tı ki ey rê xırabiye bıke” (hêfê/qesasê xo bıcê)."

 

Werte ra tam 2.500 serri vêrdi ra .... 
xeylê çi vuriya, heq-huquq icad bi.

 

Coğrafya ma de heni aseno her çi caê xo de mendo.
 

Qey?
 

Çımke, çarê dozkerdena adaleti hona zê waxtê antiki  qesas u hêfguretene dero.

 

Ewro ki hetê jüy ra dewlete qesas cêna ebe kiştene, surgınkerdene, dew u suka vêrankerdene... 
Wazena ke qudretê xo bımusno her kesi, mıleti ebe şiddet biaro hiza.

Heto bin ra domanê koy qesasê xo cênê ebe bombekerdene.

Her kes xo het ra ebe raa şiddeti wazeno zerrê xo rehet bıkero.

Ma ki sêrciyê nê filmime.

 

Nıka ra kıfşo.
Peyniya şiddeti çina!
Çımke şiddet tım u tım şiddetê newey ano meydan... 
No her waxt niaro...
Her waxt nia bi... Zê dawa goni.

 

Nıka ra kıfşo meşte se beno, 
Nıka ra kıfşo dora şiddeti kami dera....

Mıleto feqir biyo esirê nê şiddeti bêhemdi...

 

Peyniya nê siddetê goniweri key êna,  se êna, kam ano?

Endi kes kesi mekişo!

 

Beso!!!

 




Editör: Hesenê Reqasa

Na xebere 724 rêy amê wendene

Etiketi :

FACEBOOK FIKIRNAYİŞ
FIKIRNAYİŞ

WELAT XEBERÊ BİNİ

YUKARI