Bugun...



Dina Goşdariya Qonferansê Cenevre 2ine Kena
Tarıx: 22-01-2014 22:34:01 Newebiyayiş : 22-01-2014 23:12:01 + -


Serba cedelê Suriya, konferanso dıdeyenê Cenevre, Suka İsviçrey Montro de cêriya dê. Konferans dı rocê bini Cenevre de devam keno. Ni konferansi de muxalifu Serdarê SMDK Ahmed-el Carba, hokımatê Esadi ke Wezire xariciyeê Suriya Velid Muallim temsil keno.


Dina Goşdariya Qonferansê Cenevre 2ine Kena

Konferanso 2.ê Cenevre’o ke serba cedelê Suriya, Montro de cêrino dê; yi konferans de Esat be muxalifana dormê ẓü masa de amay têare.

Serba cedelê Suriya, konferanso dıdeyenê Cenevre, Suka İsviçrey Montro de cêriya dê. Konferans dı rocê bini Cenevre de devam keno. Ni konferansi de muxalifu Serdarê SMDK Ahmed-el Carba, hokımatê Esadi ke Wezire xariciyeê Suriya Velid Muallim temsil keno.

 

Qeşiyê Yakerdene
 

Hokımatê Suriya be muxalifi çül sıfte ni konferans de amay têare. Serba yakerdena konferansi Sekereterê Ẓübiyaena Dugelanê Dina Ban Ki-Muni qesey kerd. Ey vat ke; “Nejdiyê hirê seriyo ke no tertele devam keno. Gereko, henda roca omıdi bo. Serba xısmeta qomê Suriya ma dest de xêlê fersend esto.

 

Kerry: Ebe Esadiya nêbeno

 

Ban Ki-Mun ra tepiya wezirê xariciyeê DAẒ (ABD) Kerry ki “Hokımato ke Suriya de newe roniyo, Beşar Esad gereko ni hokımati miyan de nêbero.” vat. Ebe nia qesawa politika Amerika reyêna dekernê.

 

Velid Muallim: Yi Dugelê ke Teror İxrac Kenê, Naê Lêwê Ma de Roniştaiyê

 

Wezirê xariciyeê Suriya ki konferans de ni qeşi vati:

*Dugelê ke teror ihraç kenê naê lewê ma de roniştaiyê. Temsilkarê ke salone de roniştaiye, dest u rüyê taenu rê goniya qomê Suriya ṗışkiya pa.

*Niyê ke wazene Suriya têser u têbın ra bo, rüyê inu nıka biyo şia.

*Suriya de sewre çino. Suriya de teror be cengawerê taê dugelu estê.

 

Gerê Erdoğani Kerd

 

* Hokımatê Erdoğani teroristi welatê xo de kerdi weyiye, Çheki day dest rusnay Suriya.

* Suriya dewleta da xosera, serba xo sevekıtene çı bo ae kena.

* Gereko dugeli henda çheku Suriya fitene ra vaz bêrê.

* Ebe namê sewrêy domani mektebu de amay kiştenê. Kenê ke be ḉekuna demokrasi, be teyyaruna serbestiye salxo ma dêrê.

* Çı ke kono Suriya, Suriya pêro ardê hurendi.

* Cenevre 2ra senê qerari vecinê veciye Suriya inu pêroine bena referandum.

* Kerry Ağa, Suriyaicu ra ber kes nêşikinu serba meşruiyetê serdarê dewleta ma qeseyê vaco.

 

Cenevre 2.de Wezirê Enformasyonê Suriya Umran Zubi vat ke; “Beşşar Esad maqamê xo dero. Taenay jê dugelu nê, jê teroristu qesey kenê.”

 

Serdarê Muxalifu: Esad Gunakaro de Gırso

 

Muallim ra tepiya serdarê SMDK Ahmed el-Carba qesey kerd. Cabra vat ke;

* Qomunê Suriya qedayê textê esadi gureti. Hokımatê Esadi kewt goniya 10 hazar  domanu.

* Ma ki nêwaşt çekero bime, hema serba xo sevekıtene mecbur mendime.

* Hokımatê Esadi, qerarê ke Cenevre 1de cêriye, inu qebul kero. Ordiyê Serbestiya Suriya, teroro ke Iraq ra Suriya serde yeno, verva inu ki cedele dero.

* Muhafızê sewrê İrani be Hizbullahi Suriya de ceng dêrê. Hokımatê Esadi gunakariya cengi gureta xo ser.

* Gereko gunê Esadi cı ra pers bê.

 

Temsilkarê Tırkiya Davutoğluyo

 

Wezire xariciyeê Tırkiya Ahmed Davutoğlu vat ke;

* Qomunê Suriya sero bombê varıli be çhekê simi varay.

* Rejimê Suriya, nêşkino ma qan kero, ma rınd zanenime kam teroristo.

* Muaciranê Suriya rê çêberanê xo heta pey kenime ra.

* Kamê ke gunekarê cengiyê, gereko gunê inu cı ra pers bê.

* Rejimê Suriya, qomê xo rê serê deco.

* Meşruiyetê Esadi be mordemanê xo nêmando. Gereko iqtidar de ki mêmanê.

* Cenevre 2. wazeno ke Suriya rê haştiye biyaro. No fırsendêwo. Qıymetê ney rınd bızaniyo.

 

Dugelê Ke Amê Konferansi

 

Lewe Tırkiya de Ẓübiyaena Dewleta Amerika (ẒDA), Rusya, Britanya, Fransa, Alamanya, Bırezilya, Qanada, Norveç, Hindistan, Japonya, Endenozya, Afriqa Veroci, İsveç, İsviçra, Vatikan, Yunanistan, Belçiqa, Danimarka, İtalya, Lüksemburg, Holanda, İspanya, Qorya Veroci, Avusturalya, Meksiqa, Mısır, Cezayir, Iraq, Urdın, Quvêyt, Lıbnan, Ẓübiyaena Emıranê Erabu, Baxreyn be Fas ki amay ni konferansi. Ninu ra ber, Ẓübiyaena Erabu, Ẓübiyaena Ewrupa be Ẓübiyaena Teşkilatê İslamu ki est bi.

 




Bınge: www.zazakikozmos.com

Editör: Xıdır Eren

Na xebere 3348 rêy amê wendene

FACEBOOK FIKIRNAYİŞ
FIKIRNAYİŞ

DINYA XEBERÊ BİNİ

YUKARI