Bugun...



Derê Laçi - Masum u pakanê Dêsım 38i rê...
Tarıx: 17-11-2016 13:28:13 Newebiyayiş : 17-11-2016 13:37:13 + -


Nuştoğê ma Veli Kişioğluy ra roca dareeştena seydanê Dêsımi 15.11.1937 sero sıware (şüare) nuşta. Dareeştena Sey Rızay u 6 seydanê binan ra tepeya terteyel Dêsımi sıfte kerd. Taê çıman ra gore 70 hezar, wesiqan ra gore 12-15 hezar insan kışiyao. Na jû şarkıştena. Ma merdanê Dêsımi yad kenime cênosidan, tertelan pêrıne kenime lanetme.


Derê Laçi - Masum u pakanê Dêsım 38i rê...

DERÊ LAÇİ

Ondêrê Derê Laçio, astê ma mendê tiji vera
Derdo bêmerdeno, nêsono ma vira,
Keşi bese nêkerd, çengê welê berzo ma ser,
Astê ma mendê tiji vera.

Atatürk pasao neweo, 12 hazarê ma kerdê halete,
Estê xo vera.
Suz u guna ma çia biye, ma thawa sık nêbeme xo ra,
Domoni, cêniy, ciamordi, pêro bêsuz, bê guna,
Buro sağ nêverda, lese ra sungiy fetelnay,
Eke qırrkerdena ma ke ima’ nêbenê,
Şêrê Derê Laçi, astê maê tiji vera

Hermeni ke qır kerd,
Sıma ima’ nêkerd ke rozê ki sıra yena sıma.
Kafır kırışiya, kounê ma de qurmıs biya,
Wertê jiyar u diyaru de
Roza Kervelawa, ma rê ama .

Zalımê Heqi ki kerdena ninu kerda xo vira
Wertê 6 asmi de 12.000 hazar mordem
Ma ra qır kerd, qedêna.
İyê na zalımu,
Khalık u torni’a, hata roza ewreyêne
Zulımê ninu sarê ma ser cêriya.


Veli Kişioğlu

 

Hazırkerdena fotografê pey be sıware: Levent İlhan

Arêkerê sıware (şüare): Hawar Tornêcengi




Bınge: Veli Kişioğlu

Editör: Asmêno Bêwayir

Na xebere 746 rêy amê wendene

Etiketi :

FACEBOOK FIKIRNAYİŞ
FIKIRNAYİŞ

MA XEBERÊ BİNİ

YUKARI