Bugun...



Dêsım de polêsu pê kobra eskeriya jü cênıka 73 serriye kişte
Tarıx: 06-09-2016 23:28:15 + -


Dêsım, suka Mamekiye de, meydanê Sey Rızay de wesaitê eskeriy’ê zırhkerdey jü cênıka Dêsımıca kokıme gurete bınê xo, sera vêrd ra, kişte.


Dêsım de polêsu pê kobra eskeriya jü cênıka 73 serriye kişte

Dêsım de polêsu pê kobra eskeriya jü cênıka 73 serriye kişte

 

 

Dêsım, suka Mamekiye de, meydanê Sey Rızay de wesaitê eskeriy’ê zırhkerdey jü cênıka Dêsımıca kokıme gurete bınê xo, sera vêrd ra, kişte.

 

Mamekiye de sodır deva devê sate 10ine de, jü kobra (Cobra) eskeriya Tırkiya’wa zırhkerdiya ke vanê ‘hetê Kemera Bêle ra ama’, a ke meydanê Sey Rızay de viraj ra cêrê cı, Naciya Özdemira 73 serriye gurete bınê xo, kişte. Özdemira ke bınê wesaitê zırhkerdey de 4-5 metrey ğız biye, dormê ae de ebe seu Dêsımıc bi arê. Peydêna ambulans ame u Naciya Özdemire berde nêwesxane. Verba mudexalunê nêwesxani pêrüne, Naciya Özdemire can ra biye.

 

Weqati dıma xeylê wesaitê zırhkerdey u ekibê polêşi amey caê weqati. Polêsunê ke kerd ke kobra eskeriya Tırkiya’wa zırhkerdiye caê weqati ra vecê u Dêsımıcunê ke caê weqati terk nêkerd, galmê kobra u polêsu kerd, wertê inu de hengame ame meydan. Verba galmê sarê Dêsımi de polêsu kobra zırhkerdiye herbina caê weqati ra vete u remay. Caê weqatio ke sawci nêame uca, polêsê trafiki amey uca u rae pê thezu (şeritu) qapan kerde. Saadê weqati Fadima Ertuğrule weqat nia qesey kerd: “Panzeri di ke cênıka sona, oncia ki panzeri xızê xo zêdna, cênıke gurete bınê xo, aver - peyser şi, ame, a kişte.”

 

 




Bınge: https://www.evrensel.net/haber/289578/dersimde-zirhli-arac-73-yasindaki-kadini-ezdi

Editör: İdris Yenok

Na xebere 1020 rêy amê wendene

Etiketi :

FACEBOOK FIKIRNAYİŞ
FIKIRNAYİŞ

WELAT XEBERÊ BİNİ

XEBERÊ ZÊDÊRİ WENDİYAYÊ
FIKIRBİYAYÊ PÊÊNİ
FOTO GALERİ
  • Guelê Quling (Yüzenada) - Çolig (Bingol)
    Guelê Quling (Yüzenada) - Çolig (Bingol)
  • Zımıstanê Welati
    Zımıstanê Welati
  • Çımê Muzıri
    Çımê Muzıri
  • Koê Welatê Ma
    Koê Welatê Ma
  • Mezelê Ma
    Mezelê Ma
  • Bonê Domantênya Ma
    Bonê Domantênya Ma
  1. Guelê Quling (Yüzenada) - Çolig (Bingol)
  2. Zımıstanê Welati
  3. Çımê Muzıri
  4. Koê Welatê Ma
  5. Mezelê Ma
  6. Bonê Domantênya Ma
FOTO GALERİ
YUKARI