Bugun...



8 serri ra tepeya se bi? Ma pêro Hrantime, pêro Ermenime!
Tarıx: 19-01-2015 14:49:42 Newebiyayiş : 19-01-2015 14:53:42 + -


Kıştena roştber, nuştoğ u rocnamewanê Ermeni Hrant Dinki sera 8 serri vêrdi ra, hewna roşti nêamê dewa ser. Hetê ra ki emser serra şarkıştena (cênosidê) Ermeniyan u Sıryaniyan’a 100yına ke erdê Tırkiya sero insaniye gereko nê qetılkerdenan de bêro têri.


8 serri ra tepeya se bi? Ma pêro Hrantime, pêro Ermenime!

Roca 19.01.2007ıne, saete 15:05 de roştber, nuştoğ u rocnamewano Ermeni Hrant Dink Estanbol – Şişli de, verê ofisê rocnamey (qezetay) Agosi de pê destê Ogün Samasti kışiya. Hrant Dink o sure vetoğ u idarekerê rocnamey Ermeniyan AGOSi bi.

Kıştena ey ra tepeya u cenazay ey de leteo zafêri çepıci, demokrati, merdumê xoşari, destê xo de pankart u be sloganê “Ma pêro Hrantime, ma pêro Ermenime!” veciyay rayan u kûçan, cı rê wahêr veciyay.

Deway Hrant Dinki de her çıqas ke qatılê cı pê gêriya (tepışiya), taê merdumê şıkkerdey zey Yasin Hayali tewqif bi, ena dewa sero hewna çiyê nêveciya roşti ver. Ogün Samasti 22 serri, Yasin Hayali ki muebed gırewt. Roştber u dewadari na kıştene de vanê ke faila esıle dewleta xoriya u tenya nê dı teni niyê. 8 serri ra tepeya se bi? İnsan şeno vaco ke theba nêbi. İsanetiye gerrey kami, kami rê bıkero; cao ke ne hıquqo, ne heqa, ne edaleto, ne serbestiya fıkr u zıwanana. Labelê omıd her tım bıbo.

Hewna o çağ ke zêde kes nêthawraêne (nêwetardêne) qalê Ermeniyan u cênosidê 1915i bıkero, her çıqas ke ê tayıne saiko populist bo ki, no tabu ki gıran gıran şıkiya. Emser serra serrageyrayışê şarkıştena 1915ia ke tede 1,5 milyon ra zêde Ermeni, 1 milyora nezdi ki Sıryani, Rum u Yezıdi pê emrê İttıhad u Tereqqikaran kışiyay, ê bini ki kerdi menfi, xorê tayınan şa welatê xo de vınderê. Mıletê ke wahêrê nê erdan u ê senat u ilm u medeniyetanê, welatê kalık u pirıkanê inan de kışti, kerdi teber, erdê xo cı rê kerd xam. Nê şarkışteni biy bıngehê dewleta ewroêne.

 

Hrant Dinki weşiya xo de 1915i sero vato: “Bêrên, bêrime têri”. Deway Hranti de u cênosidê 1915ine de têri-amaene wezifay ma pêrınana ke wa vıraştoğê nê qetliaman u destekkran u hempayanê cı bışaniyê şerm ver. Ê ma ki zerre de xo xo de bêrime têri u hesabê xo suc u cırmanê insanetiye de bıkerime, riyê qatılan u rasistan (irqçiyan, nıjadperestan) siya kerime.

 

Ma pêro Hrantime, ma pêro Ermenime; Hrant nêmerd, oyo zerrey ma de..

 

 

"Ya, çımê ma Hermeniyu ni herdu dero... Çımê ma teyo, çıke kokê ma ita dero. Hama merex mekerê. Serba ke ni herdu bıcime şime, a rû ra nê. Serba ke bêrime meytanê xo bınê ni herdu kerime, a rû ra..." (çarnayış: Sinan Usarr)

("Evet, biz Ermenilerin bu topraklarda gözümüz var. Var, çünkü kökümüz burada. Ama merak etmeyin. Bu toprakları alıp gitmek için değil. Bu toprakların gelip dibine gömülmek için...")

Hrant Dink (1954 - 1915)




Editör: Asmêno Bêwayir

Na xebere 1167 rêy amê wendene

Etiketi :

FACEBOOK FIKIRNAYİŞ
FIKIRNAYİŞ

TIRKİYA XEBERÊ BİNİ

YUKARI